
Parlamentera HDPyî ya verên Mulkîye Bîrtane ameye veradayene 

2019-12-13 13:24:49


	&nbsp;

	AMED - Parlamentera HDPyî ya verên û ziwanzane Mulkîye Bîrtaneya ke tepişte ameyêne muhakemekerdene ameye veradayene.

	&nbsp;

	Roniştişê 3. yê doza Parlamentera Partîya Demokratîke ya Şaran (HDP) ya verên ya Qersî û ziwanzane Mulkîye Bîrtaneya ke xebatanê Kongreya Komela Demokratîke (KCD) vera tepişte ameyêne muhakemekerdene 4. Mehkemaya Cezaya Giran ya Amedî de ame vînayene. Mulkîye Zîndanê Xarpêtî ra bi rayîrê dîmenî tewrê roniştişê doze bîye. Keyeyê Mulkîye, avûkat hemsereka KCDyî Leyla Guvene û endamê KCDyî tewrê roniştişê doze bîyî.

	&nbsp;

	Badê pawitişî heyetê mehkema bi îdiayê ‘endamîya rêxistine’ 6 serr û 3 aşmî ceza daye Mulkîye û qerarê veradayîşê aye da.

	&nbsp;

	Yeno pawitene ke Mulkîye saetanê aver de zîndan ra vejîya.&nbsp;

	&nbsp;