'Xeyalê domanan zî bî hedefê hêrişkaran'  

2019-12-13 13:21:06


	 

	ŞEHBA - Domanê Efrînijî seba hêrişê Til Rifetî ke bi keyeyê xo dir da bînî û reyke bîn zî hêrişan dir rîbirî mendibî û vatî: "Ma nêwazenê bimirê, ma wazenê cuyaka weş û bihizur biciwîyê. Heqê ma yê kuçe de kaykerdene ame wedarnayene." 

	 

	Dewleta tirkî bi heme tewir hêrişê qirkerdene, hêrişê Vakur û Rojhelatê Sûrîye kena, tewr peyîn 2yê kanûne de hêrişê Til Rifetî kerd û domanan kerdî hedef. Dimayê îşxalkerdene Efrînî, welatîyê Efrînî koçber bî, hîn keyeyan verê xo da Til Rifetî. Domanan  derheqê hêrişanê dewleta tirkî de şîrove kerdî.

	 

	'Ma wazenê cuyêka weş biciwîyê'   

	  

	Hisên Hemoyo 12 serre dîyar kerd ke ê nêwazenê bimirê û wina vat: "Efrîn de cayê kayê domanan estbi, ma pêro embazî ma kom bîne û kay kerdene. Şehba de cayê kayî çin o, tena meydan estê. Dewleta tirkî kuçeyanê ma zî ma ra girewt. Çira heqê ma yeno werdene? Pêro dinya çimê xo girewtê, la Erdogan zî embazanê ma qetil keno. Sucê ê domanan çibi? Tena kuçeyan de xo rê kay kerdêne. Ma seba hêrişanê dewleta tirkî bi ters kuçeyan de derbaz benê. Ma nêwazenê bimirê, ma wazenê cuyêka weş kay bikerê."

	 

	'Heqê ma yê kuçeyan kaykerdene nêmend o' 

	  

	Xelîl Liyesî zî vera hêrişanê dewleta tirkî de wina ard ziwan: "Dewleta tirkî Efrîn de zî nêverda ma kay bikerê, nika nêverdana Til Rifetî de zî kay bikerê. Heqê ma yê kuçeyan ma ra ame girewtene û bi domanîya xo şad benê"

	 

	'Erdoganî xeyalê ma hedef girewtî'

	 

	Efef Liyesa ke bajarê Til Rifetî de bi ca bîya, derheqê xeyalê domanan de qisey kerde û vat: "Domanî her xeyalê înan bi kayan û bi embazanê xo dir kay bikerê. Erdogan xeyalanê ma bi qetilkerdene hedef gêno. Erdogan nê meydan zî ma ra mehrûm kerd."