
Remzîyeya ke ame vatene întixar kerda: Bi zorî ameya zewecnayene  

2019-12-10 13:46:14


	&nbsp;

	AMED - Ame zanayene ke qezaya Hênê ya Amedî de cinîya bi nameyê Remzîye Yalçine emrê xo yê şenîkîye de bi zorî ameya zewecnayene û 2 serranê zewaca xo de hetê pîyê mêrdeyê xo ra raştê îstismarî ameya. Kesa ke Remzîye şinasnena û nêwaşte nameyê xo bida daye zanayene ke Remzîye verê ke psîkolojîyê aye baş bibo sewbîna kesêk reyde ameya zewecnayene.

	&nbsp;

	8ê kanûne de dewa Nerîbê Axo ya qezaya Hênê ya Amedî de cinîya bi nameyê Remzîye Yalçina ke emrê aye mabenê 18 û 19 serrî de yo bi hawayo şikin întîxar kerde. Amebi îdîakerdene ke Remzîye bi tifingê pîyê xo gule reşênaya pîzeyê xo. Remzîya ke birîndar bîye sere de wedarîyabi Nêweşxaneyê Qezaya Hênê û dima ra sewqê Nêweşxaneyê Fakulteya Unîversîte ya Dîcle ya Amedî ameye kerdene. Remzîye rayîr de cuya xo vindî kerdbi. Ame zanayene ke Remzîye emrê xo yê şenîkîye de bi zorî ameya zewecnayene û xo dima notêk verdaya.

	&nbsp;

	Mergê Remzîye ra dima tehqîqat dîya destpêkerdene û îfadeyê şahidan ameyî girewtene. Labelê çarçeweya tehqîqatî de kesêk bi sifatê ‘şikin’ îfade nêda.

	&nbsp;