3 kesê ke hewl dayî wendekara Lîse biremnî ameyî tepiştene 

2019-12-09 13:54:08


	 

	QERS - Qers de 3 kesê ke hewl dayî wendekara Lîse biremnî bi qerarê mehkema ameyî tepiştene.

	 

	Qers de 3 kesê ke kamîya înan nêameyî eşkerakerdene hewl dayî ke wendekara Lîse M.B.ye biremnî. 3 kesî waştî ke bi zorî M.B.ye biweşnî mînîbuse, labelê hemwelatijê ke înan vînayî xebere dayî polîsan. Hedîse hetê kamerayanê esnafan yê dikanan ra ame qeydkerdene û 3 kesî ameyî binçimkerdene. 

	 

	Ame zanayene ke rewşa wendekara Lîse M.B.ye baş a. 3 kesê şikin bi îdîayê ‘Kesan azadîya xo ra veradayîş’, ‘Birîndarkerdişê qestî’ û ‘Tehdîtî’ ra ameyî sucdarkerdene û bi qerarê mehkema ameyî tepiştene.