Qeyûm tayînê şaredarîyê Awîskî, Bêgirî, Elbak, Qelqelîye kerdî 

2019-12-07 14:14:21


	 

	WAN / ÊLIH - Qeyûm tayînê şaredarîyanê qezayê Qelqelî û Elbakî yê Wanî û şaredarîya bajarokê Awîskê ya qezaya Qubînî ya Êlihî ameyî kerdene.

	 

	Serê waştişê Wezaretê Karê Zerreyî ewro qeyûm tayînê Şaredarîya Bêgirî, Elbak û Qelqelîyê Wanî û eynî wextî de bajarokê Awîskî yê girêdayê qezaya Qîbînî Êlihî kerdî. Vizîrê polîsan Wan de sereştişê keyeyê hemşaredarê Bêgiriyî Yilmaz Şalan û Leyla Balkane, hemşaredarê Qelqelîyî Yakûp Almaç û Dîlan Orencî û Hemşaredarê Elbakî Erkan Acar de girewt û înan tepişnayî. 

	 

	Qeymeqam sey qayûm ame tayînkerdene 

	 

	Serê sibayî leşkeranê ke şaredarîye girewtê binê ablûqa banê xizmetî de cigêrayîş kerd. Gama ke cigêrayîşî dewam kerdêne Wezîrîya Karanê Zereyî eşkerayîyêk daye  vat saba ke derheqê Hemşaredar Osman Karabulut de dewa esta karî ra ame girewtene û herinda ci de Qaymeqamê Qûbînî Sînan Aşçi sey qeyûmî ame cakerdene.

	 

	Bêgirî, Elbak û Qelqelî de qeyûm ame tayînkerdene

	 

	Polîsanê ke qerarê qeyûmî bi nuşteyêkê fermî teqdîmê Şaredarîya Qelqelî kerd bînşewe ra nata banê şaredarîye de cigêrayîş kenê. Polîsan bêrê kiîtkerdeyî şikitî û endamanê Meclîsê Şaredarîye nêgênê zereyê bîna. Şaredarîya Elbakî zî binê ablûqa de ya.

	Hemşaredarê Qelqelî Yakup Almaç û Dîlane Orencî, hemşaredarê Elbakî Erkan Acar û hemşaredarê Bêgirî Leyla Balkan û Yilmaz Şalan yê ke vizêr sereştişê keyeyan de ameybî destbendkerdene Mudirîya Asayîşî de yenê pawitene û destûrê vînayîşê avûkatan yeno astengkerdene.