Partîyê Kurdan seba yewîya neteweyî kom bîyî 2019-12-05 15:26:11   AMED - HDP û partîyê Kurdîstanî bi rojdemê yewîya neteweyî kom bîyî. Yeno pawitene ke kombîyayîşî de tay birî do bêrê girewtene Partîyê kurdan bi rojdemê yewîya neteweyî Amed de kom bîyî. Yeno pawitene ke birê girîngî do bêrê girewtene.   Temsîlkarê Kongreya Komela Demokratîke (KCD), Partîya Demokratîke ya Şaran (HDP), Partîya Herêmê Demokratîkî (DBP), Komeleya Kurdan yê Demokratan yê Şorişgêran (DDKD), Partîya Demokrate ya Kurdistanî-Tirkîya (PDK-T), Partîya Demokrate ya Kurdistanî-Vakur (PDK-Vakur), Partîya Merdiman û Azadîye (PÎA), Têgêrayîşê Azadî, Partîya Komunîstanê Kurdistanî (KKP) bi rojdemê 'yewîya neteweyî' Merkezê Pêroyî yê Partîya Herêman yê Demokratîkan ya Amedî de kom bîyî. Temsîlkarê Partîya Sosyalîstanê Kurdîstanî û Partîya Azadîya Kurdistanî tewrê kombîyayîşî nêbîyî.   Yeno pawitene ke kombîyayîşî de ke seba çapemenîye girewte yo tarîx û tedeyê komxebeta ke bi beşdarîya partîyanê ke Tirkîya de û herême de sîyaset kenê bêro kerdene û rewşêke bêra awankerdene. Kombîyayîşî de ame armanckerdene ke tedeyê pêvînayîşanê heyetan bêrê ercnayene ke nê heyetî dima ke do bêrê awankerdene Ewropa, Herêma Federale ya Kurdistanî û Vakur û Rojhelatê Sûrîye de  kombîyayîşan bikê. Ame zanayene ke kombîyayîşî de herinda partîyan, rêxistinan û terefan de têna şarê kurdî sey esas do bêro girewtene.