Aşma teşrîna peyêne de 38 cinîyî ameyî qetilkerdene 

2019-12-05 13:19:07


	 

	ANQARA - Aşma teşrîna peyêne de 38 cinîyî ameyî kiştene, 20 cinîyî kiştişî ra ameyî xelisnayene, 13 domanî şîdet û hêrişê zayendî reyde rî bi rî mendî û 3 domanî zî ameyî qetilkerdene.

	 

	Tirkîya de kiştiş û şîdetê hemverê cinî û domanan her ke şono zêde beno. Rêxistinê cinîyan bi eşkerakerdişê rapor û dayeyanê xo rewşa xirab ardî çiman ver. Goreyê raporê Platformê Ma do Kiştişê Cinîyan Bivindarnî (KCDP) aşma teşrîna peyêne de 38 cinîyî ameyî qetilkerdene. Dayeyê ke her aşme yenî eşkerakerdene de baş asîyeno ke her ke şono qetilbîyayîşê cinîyan zêde beno.

	 

	Goreyê dayeyê ajansê ma zî aşma teşrîna peyêne de 8 cinîyî ameyî qetilkerdene. 24 cinîyî hetê merdimanê xo ra ameyî qetilkerdene. Sewbîna goreyê dayeyan 13 domanî zî şîdet û hêrişê zayendî reyde rî bi rî mendî û 3 domanî zî ameyî qetilkerdene.

	 

	Sey her reye mehkema reyna aşma teşrîna peyêne de bî hetkarê kerdox, tecawizkar û sucdaran. Mudirê Merkezê Taqîpkerdiş û Bindarnayîşê Şîdetî (ŞONÎM) yê Bursaye Tayfun Erolî dest eşt 11 cinîyan.