Kocaelî de 14 îdarekar û endamê HDPyî ameyî tepiştene 

2019-12-04 13:26:16


	 

	KOCAELÎ - Kocaelî de 14 kesê ke kanûne de  ameybî destbendkerdene Hemsereka HDPyî ya Kocaelî Leyla Aygune zî tede ameyî tepiştene. 8 kesî zî bi şertê kontrolê edlîyî ameyî veradayene.

	 

	Kocaelî de Hemsereka HDPyî ya Şaristanî Leyla Aygune zî tede 14 kesî ameyî tepiştene û 8 kesî zî bi şertê kontrolê edlîyî ameyî veradayene.

	 

	Kocaelî de 26ê teşrîna peyêne de polîsan vera îdarekaranê HDPyî operasyonêk kerdibi û nê operasyonî de 22 kesî amebî destbendkerdene. Îfadeyê 22 kesan asayîşî de qedîyayî û nê kesî sewqê Mehkema Kocaelî bîyî. 

	 

	Dozger û dadgerî bi îdîaya ''endamîya rêxistine'' Hemsereka HDPyî ya Kocaelîyî Leyla Aygun, Endamê Meclîsê HDPyî Mehmet Yalçinkaya, Hemserekê HDPyî yê Gebze Ebûbekîr Çoban, îdarekara HDPyî ya Kocaelîyî Zakîre Dundar, endamê HDPyî Damla Bagci, Melek Yerkan, Gokhan Demîrtaş, Şenol Daşdemîr, avûkat Yuksel Genç, Osman Kurum, Hasrete Demîr, Meryeme Uslu, Emîne Karaaslan û Kutbettîn Guneşsu tepiştî.  

	 

	14 kesê ke ameyî tepiştene eşrawitî zindan.

	 

	Hesabdarê HDPyî yê Kocaelîyî Îrfan Demîr, endamê Meclîsê HDPyî Engîn Guleser, endamê HDPyî  Tekîn Gur, Bîret Aydemîr, Kudret Davutoglu, Mehmet Karaslan, Mekiye Aydin û Necla Erdogan zî  îfadeyanê xo ra dima bi şertê kontrolê edlîyî ameyî veradayene.

	 

	Endamê Meclîsê HDPyî Bulent Uyguner o ke 26ê teşrîna peyêne de heman operasyonî de amebi destbendkerdene 28ê teşrîna peyêne de bi îdîaya ''endamîya rêxistine'' amebi tepiştene.