KCDP: Aşma teşrîna peyêne de 39 cinîyî ameyî qetilkerdene 

2019-12-03 14:00:37


	 

	MERKEZÊ XEBERAN - Goreyê raporê Platformê Ma do Kiştişê Cinîyan Vindarnî (KCDP) aşma teşrîna peyêne de 39 cinîyî ameyî qetilkerdene.

	 

	Platformê Ma do Kiştişê Cinîyan Bivindarnî (KCDP) raporê xo yê şîdetê hemverê cinî û domanan yê aşma teşrîna peyêne aşkera kerd. Goreyê raporî aşma teşrîna peyêne de 39 cinîyî ameyî qetilkerdene û hêrişê zayendî yê hemverê domanan zî dewam keno.

	 

	Goreyê raporo ke ame eşkerakerdene mîyanê 11 aşmanê serra 2019î de tewr tay 430 cinîyî ameyî kiştene. Ame dîyarkerdene ke 11 qetilkerdişê cinîyan sey şikin ame hesibnayene û sewbîna yê 19 cinîyan zî nêame tespîtkerdene. 4 cinîyî bi mehneya ekonomî û 5 cinîyî zî bi mehneya ke waştişê doza fekyewbînan ra veradayîşî kerdî, vera ameyî qetilkerdene.

	 

	Raporê Platformê Ma do Kiştişê Cinîyan Bivindarnî (KCDP) de ame vatene ke heta ke kerdox û sucdarî nêrî muhakemekerdene û cezakerdene şîdetê hemverê cinî û domanan do dewam bikero.