Seba Şukrana 13 serrî vengdayîşê hetkarîye

2019-11-30 13:23:21


	 

	WAN - Domana bi nameyê Şukran Demirela 13 serrî, seba ke bi 4 aşmî yo neqlê mezgê estî nêameyo kerdene, nêweşxane de têkoşînê cuye dana. Wezareta weşîye hîn muracatê seba neqlê esteyê sereyî nêkerda. Maya Şukrane, Helîmeye wina va: "Seba kêna mi biciwîyo, ez omid kena ke muracatê ma bêro tesdîqkerdene. Eke gonî bêro dayene, ê do seba kênaya mi neqlê esteyê mezgî bêro kerdene."

	 

	6 serrî verê Anqara de seba Şukran Demirela 13 serrî teşhîsê rîşa merdim were ê esteyî (Lenfositler) ame dayene. Seba ke serra peyîn de nêweşîya aye resaya sewîyeya berz e. Şukrane nê 4 serrî yo Merkezê Tipê yê Dursun Odabaşi yê Unîversîteya Yuzuncu Yilî yê Wanî de bendeyê neqlê mezgê esteyî ya. Wezareta weşîye hema muracatê seba neqlê mezgî tesdîq nêkerda. Keyeyê Şukrane seba nêweşîye mecbûr mendê ke dewa Serespîyî yê Colemêrgî ra ameyî Wan. 

	 

	Maya Şukrane, Helîmeye wina va: "Heta ke ma resayî Wan, tersê kênaya mi do cuya xo vindî bikero ma dir bi. Kêna mi êdî nêeşkena lazimîyê xo yê şexsî bica bîyaro. Her wext mîyanê cayan de ya. Ez seba na rewşe zaf xemgîn a. Seba nê rewşa Şukrane ra ez nêeşkena kênayê xo yê bînan dir zî eleqedar bibî. Ez tersena ke kênayê mi bîn zî eynî zehmetî biciwîyê. Eke semedê muracatê esteyê mezgî, wezaretê weşîye tesdîq bikero, kêna mi do biciwîyo."