
Rêxistina Heqê Merdiman ya Efrînî: Hezar û 200 cinîyî raştê şîdetî ameyî 

2019-11-27 16:25:24


	&nbsp;

	MERKEZÊ XEBERAN - Goreyê dayeyanê Rêxistina Heqê Merdiman ya Efrînî hêrişanê vera Efrînî de zêdeyê hezar û 200 cinîyî tewiranê şîdetî reyde rî bi rî mendî.

	&nbsp;

	Rêxistina Heqê Merdiman ya Efrînî bi wesîleya 25 Teşrîna Peyêne Roja Têkoşînî yê Mîyanneteweyî yê Şîdetê Hemverê Cinîyan dayeyanê xo yê derheqê şîdetê vera cinîyan yê Efrînî bi raporêk eşkera kerde.

	&nbsp;

	Ame eşkerakerdene ke goreyê dayeyê raporî yê ke huqûq û çapemenîye ra ameyî herînayene, binpaykerdişê hemverê komelî û hemverê cinîyan herêmanê &nbsp;ke tede şer esto de zêde beno.&nbsp;

	&nbsp;

	Artêşa tirkî û komê pabesteyê aye destpêkerdişê hêrişanê xo yê aşma adare ya 2018î ra nata hemverê sivîlan de her tewir binpaykerdişan pê anî. Sey kiştiş, remnayîş, îşkence, koçkerdişê bi zorî, dizî û talankerdiş.

	Goreyê Rêxistina Heqê Merdiman ya Efrînî artêşa tirkî û komê aye wextê hêrişanê Efrînî de hemverê cinîyan de zêdeyê hezar û 200 hedîseyanê şîdetî pê ardî. Nê hêrişan de 40 cinîyî ameyî kiştene, 60 cinîyî raştê tecawizî ameyî, 100 cinîyî raştê şîdetê fîzîkî û zêdeyê hezar cinîyî zî bi zorî ameyî remnayene. Goreyê dayeyanê rêxistine netîceyê şîdetî de 5 cinîyî zî cuya xo peynî kerdî.

	&nbsp;