Seba cinîyê ke ameyê qetilkerdene deyîran vatî

2019-11-27 13:27:01


	 

	WAN - Koma tîyatroyê Mencelî û Dengê Meyman, bi minasebetê 25ê Teşrîna Peyêne Roja Têkoşînê Mîyanneteweyî yê Hemverê Şîdetê Serê Cinîyan pêşangeh akerdî û deyîran vatî.

	 

	Koma Tîyatroyê Mencelî û Dengê Meyman, bi minasebetê 25ê Teşrîna Peyêne Roja Têkoşînê Mîyanneteweyî yê Hemverê Şîdetê Serê Cinîyan Salonê Tîyatroyê Mencelê çalakî kerdî. Xeylê cinî beşdarê çalakî bî. Çarçeweya çalakî de cinîyê ke ameyî qetilkerdene û hîkayeya înan cuyayîşî ame ramojnayîş.

	 

	Kaykerdoxa tîyatroyî Dilvîn Abî qiseykerdişêke kerd. Dilvîne qiseykerdişê xo de dîyar kerde ke pêşangehe de zî dîyar beno ke cinîyê ameyê qetilkerdene, hetê kesê tewr zêde nêzdîyê xo ra ameyê qetilkerdene û wina dewam kerde: "Cinîyêka ke ameya qetilkerdene verê sereyê mi de amî kiştene. La mi qêrînayîşê aye nêeşnawit û nêdî. Derûdorama de xeylêk cinî yenê qetilkerdene. Ma do vera nê qirkerdişan bêveng nêmanê"

	 

	Dimayê qiseykerdişan, koma Dengê Meyman ya Muzîkî verê erbaneyî de deyîran vatî.