17 kesî ameyî destbendkerdene 

2019-11-27 13:04:10


	 

	MERKEZÊ XEBERAN - Anqara, Dîlok, Riha, Sûmsûr, Êlih û Amed de sereştişê keyeyan de wekîlê HDPyî yê verê zî mîyan de, xeylê sîyasetmedar û pawitoxê heqê merdiman ameyî tepiştiş. 

	 

	Sereştişan serê sibayî dest pêkerd. Anqara de endam û îdarekarê HDPyî, ÎHDyî, sendîkaya SESî mîyan de 11 kesî ameyî destbendkerdene.

	 

	Kesanê ke Anqara de ameyî destbendkerdene: Hemserekê ÎHDyî yê Anqara Fatîn Kanat, Îdarekarê SESî Fîkret Çalagan û Belkise Yutsever, Endamê Meclîsê Partîye yê HDPyî Bereket Kar, Endamê HDPyî Mazhar Yerlîkaya, Şehrîbane Başak, Ethem Ozgan, Sabahattîn Karli, Kemal Akalın, Berfûm Çolak û Zîya Cebecî.

	 

	Parlamenterê verên ê HDPyî ameyî destbendkerdene

	 

	Parlamentero verên ê HDPyî yê Semsûrî Behçet Yildirim zî sereştişan de ame destbendkerdene.

	 

	Rojnameger zî ame destbendkerdene

	 

	Muxabîrê Ajansê Ceberan ê DÎHA yo ke bi qerarnameyî ame tepiştene Haci Yusuf Topaloglu Qezaya Kahta ya Semsûrî de bi hedefê polîsan. Haci ame destbendkerdene. Ame parekerdene ke polîsan wextê destbendkerdişî de vera Haciyî çeke ante.

	 

	Riha de kesêk ame tepiştene

	 

	Qezaya Wêranşarî ya Riha de Taxa Şirnakî de sereştişanê keyeyan de Îrfan Erdem o babîyê di domanan ame destbendkerdene.

	 

	Amed de sereştişê serê keyeyan

	 

	Amedî de zî sereştişanê keyeyan de Hetkarê Hemserekanê HDPyî Mehmet Şîrîn Tunç û endama Meclîsê Şaredarîya Peyasî Songule Dag Kapanci ya HDPyî ameyî destbendkerdene.

	 

	Kercews de sereştiş

	 

	Qezaya Kercewsî ya Êlihî de temsîlakaranê KCDyî yê Kercewsî Mehmet Yildirim ame destbendkerdene.

	 

	Bi nê hawayî mabênê 24 saetan de tewr tay 61 kesî ameyî destbendkerdene.