
Hunermend û roşnvîrê kurdî semedê yewîya neteweyî veng dayî 

2019-11-26 13:23:20


	&nbsp;

	MERKEZÊ XEBERAN - Înîsîyatîfê Hunermend û Roşnvîranê Kurdan şaristanê Kolnî yê Almanya da kom bîyî û seba yewîya neteweyî vengdayîş kerd. Kombîyayîşî de xebatê Înîsîyatîfê Hunermend û Roşnvîranê Kurdan zî ameyî destpêkerdene.

	&nbsp;

	Hunermend û roşnvîranê Kurdan şaristanê Kolnî yê Almanya de kom bîyî û yewîya neteweyî muneqeşa kerde. Her parçeyê Kurdîstanî ra zaf kesî tewrê kombîyayîşî bîyî.

	&nbsp;

	Kombîyayîşî ra dima 47 hunermenda, nuştox, zanyar û akademîsyenan deklarasyonêko hempar weşana. Deklarasyonî de bale ameye antene hêrişanê vera Rojawanî &nbsp;ser û venga pêro hêzan ame kerdene ke binê banê yewîya neteweyî de kom bibê.

	&nbsp;

	Deklarasyon de wina ame vatene:

	"Ma dinyayêka winasêne de yê ke dormeyê ma bi barbarîye, mergî û kerdişanê vera merdimîye ame girewtene. Nê dewirî de têna çîyêk seba ma yeno waştene; nêciwîyayîş. Ma bi hawayêkê eşkera vînenê ke şexsê şarê kurdî de qirkerdişêk dest pêkerd. Serekê nê qirkerdişî zî Dewleta Tirke bi xo ya.

	&nbsp;

	Tabloyo ke vejîya meydan tede aseno ke waştişê înan bi temamî çinkerdişê kurdan o. Dewleta Tirke çayê dinya de beno wa bibo wazena destkewteyanê kurdan, estbîyayîşê kurdan û statûyê kurdan çin bika û înan seba xo sey dişmenan vînena. &nbsp;Hunermend û roşnvîrî pawitoxê merdimîye, roştîye, hêvî û azadîye yê. Ma sey hunermend û roşnvîranê kurdan pawenê ke hunermend û roşnvîrê dinya ma teyna nêverdê û vera qirkerdişê kurdan tewirê xo bimojnê. Ma pê bawer ê ke şima do goş bidê ma ser û nê prosesî de şarê ma têna nêverdê.

	&nbsp;

	Ma hunermend û roşnvîrî seba ke ruhê ma, keda ma û renganê ma biresê yewbînan ma dest pê awankerdişê yewbîyayîşêkê xurt kerd. Ma hêvî kenê ke na yewîye tesîrê her kesî do bikê. Yewîye û têkoşînê hemparî ra ber, ma destkewteyanê estbîyayîşî vîndî kenê nêeşkenê nînan bipawê. Eke destkewteyê kurdan bêrê pawitene no bi têkoşînê hemparî, bi hêz û serkewtişê têkoşînî û bi yewîya neteweyî do bibo. Ganî rewşa parçebîyaye meydanî ra bêro wedaritene.

	&nbsp;

	Ma sey hunermend û roşnvîranê kurdan ê ke xo sey wîjdanê komelî vînenê venga pêro hêzanê berpirsîyaran kenê ke seba yewîya neteweyî kom bibê."

	&nbsp;

	&nbsp;