
Amed de kombîyayîşê ‘Torê Ziwan û Kulturî’ 

2019-11-23 14:40:18


	&nbsp;

	AMED - Amed de kombîyayîşêk 2 rojan yê bi nameyê ‘Torê Ziwan û Kulturî’ dest pêkerd. Ame dîyarkerdene ke no kombîyayîş de wazîyeno ke çarçeweya programêk de munaqeşeyê zihnîyetê demokratîk û sivîlî pê bêrî û na çarçewe de xerîtaya ziwan û kulturê kurdî bivejnî raşte.

	&nbsp;

	Serê vengê siyasetmedar, roşnvîr, nuştox, huqûqnas, hunermend, rojnameger û zimwanzanî zî tede otelê Amedî de kombîyayîşêko bi nameyê ‘Torê Ziwan û Kulturî’ ame viraştene. Kombîyayîş ewro û siba do dewam bikero. Kombîyayîş de xeylê şexsîyetî hadre bî. Qiseykerdişê akerdişê kombîyayîşî hetê Sereka Komeleya Vernî de Doman Cevahîr Sadak Duzgune û Hemserekê PENA Kurdî Samî Tanî ra ame kerdene.

	&nbsp;

	Cevahîr Sadak Duzgune viste vîre ke 1ê êlule de kombîyayîşê ziwan ameybî viraştene û ewja de awankerdişê torê ziwan û kulturî sey qerar ameybî girewtene û wina va: “Ma zî tewrê qerarê embazan bîyî û ma vat ke ganî ma torê ‘Torê Ziwan û Kulturî’ tay hîra bikerî. Aye wextî ra heta nika ma bi hawayêko pratîk mîyanê xebatan de bîyî. Mîyanê na xebate de xeylê embazê ma piştî dayî ma. Ma seba vindînêbîyayîşê ziwan û kulturê xo hewl danî ke bixebitî. Ma xebatêka hîra da vernîya xo.”

	&nbsp;

	Samî Tanî zî qiseykerdişê xo de dîyar kerd ke ê wazenê xerîtaya derheqê kultur û ziwanê kurdî bivejnî û veng da rayapêroyî: “Bi seyan kesî wazenî kombîyayîş virazî, atolye virazî û xerîtaya xo zelal bikerî. No esas ser de ma wazenê ke munaqeşe bikerî û bi zihnîyetê demokratîk û sivîlî programêk bivejnî raşte.”

	Badê qiseykerdişanê akerdişî kombîyayîş çapemenî rê padaye dewam kerde.

	Kombîyayîşo ke 2 rojan dewam bikero de do siba bi kombîyayîşêko çapemenî netîce rayapêroyî reyde bêro parekerdene.

	&nbsp;