Herêma Federal ya Kurdistanî de 9 aşman de 35 cinîyî ameyî kiştene 

2019-11-23 14:11:35


	 

	MERKEZÊ XEBERAN - Herêma Federal ya Kurdistanî de, mîyanê 9 aşman de 35 cinî ameyê kiştene û 57 cinîyan zî xo veşayene. Eynî wextî de 207 cinî zî bihawayêke bi guman veşayê zî yan zî xo veşnayê.

	 

	Îdarekara Pêroyî yê Têkoşînê vera şîdetê vera cinîyan ê Herêma Kurdistanî, dayeyê şîdet û kiştene cinîyan ê 9 aşman serra 2019î vila kerd. Goreyê dayeyê mîyanê 9 aşman de 35 cinî ameyê kiştiş û 57 cinîyan zî xo kişto. Goreyê eynî çimeyê Herêma Kurdistanî 207 cinîyê zî bihawayêke guman veşayê yan zî xo veşnayê. Goreyê çimeyê 207 cinîyan zî, 125 cinî veşayê û 82 cinî zî xo veşnayê. Goreyê nê dayeyî emsar kiştiş û şîdetê vera cinîyan par ra hîna zêde bîyo.

	 

	Eynî wextî de ame vatene ke 9 aşmê serra 2019an de 94 cinî rastê tecawuz ameyê. Nê dayeyî zî goreyê parî zêde bîyê. Eynî çimeyî da zanayîş ke goreyê dayeyan 8 hezar û 409 dewayê gerrekerdene ameyo kerdene. No zî goreyê parî zêde bîyo.