Qayûmî akerdişê HDPyî qedexe kerd seba xo destûr da 

2019-11-17 11:42:27


	 

	MÊRDÎN - Mêrdîn de pêro xebat û merasîmê akerdayene ke seba şaredarîya HDPyî ameyî qedexekerdene, dimayê ke qayûm ame karê ey yewin bi merasîmê akerdeyî ke verê ameybî qedexekerdene.

	 

	Dimayê ke hemşaredara Dêrikê Mêrdînî ya Partîya Demokratîke ya Şaran (HDP) amî tepiştene, Qeymeqamê Qezayî Hakan Kafkasî sey qayûm tayînê şaredarî ame kerdene. Qeymeqamo ke sey qayûm tayînê şaredarî ame kerdene, pêro merasîmê akerdene û çalakîyê ke şardarîya HDPyî waştibî bibê û hetê ey ra ameyî qedexekerdene seba xo serbest kerd. Qayûmo ke pêrovê xebatê şaredarî bi destûrê xo rê girêdayî, seba merasîmê akerdene awanîya şaredarîyê ke newe qedîya bi sebebê "asayîşî" destûr nêdabi.