‘Wa Melîke û Rûkene serbest bêrê veradayene, rojnamegerî sûc nîya'   

2019-11-16 15:18:14


	 

	MERKEZÊ XEBERAN - Platformê Rojnamegeranê Cinîyan ê Mezopotamya dîyar kerd ke Melîke Aydin û Rûkene Demîr bi hawayêkê bêhuqûqî ameyê girewtene.

	 

	Platformê Rojnamegeranê Cinîyan ê Mezopotamya derheqê girewtişê xeberdayoxanê Jin Newsî û MA Melîke Aydin û Rûkene Demîr de beyanatêko nuştekî weşana.

	 

	Beyanatî de wina ame vatene: 

	 

	“Çarçewa xebatanê rojnamagerî de pêvînayîşê bi rayîrê telefonî sey bahane ameyo nîşandayene û endamê ma ameyê girewtene. Tewr hetêkê huqûqî yê nê girewtişan çin o.”

	 

	“Babeta girewtiş û dayîşê xeberan de, babeta azadîya fikiran de qanunê neweyê ke yenê amedekerdene reyna nîşan da ke kaxidî ser o yê, nênê caardene.” Peynîya beyanatî de cade veradayîşê rojnamegeran ame waştene.