
'Qayûman dir projeyê cinîyan nêmcet mend'

2019-11-14 11:42:39


	&nbsp;

	AMED - Hemşaredara Yenîşehîrî Nevriye Çure reaksîyon vera tayînkerdişê qayûman ê seba şaredariyê Yenîşehîrî da û da zanayîş ke projeyê derheqê cinîyan de bîyê la bi qayûman dir nê projeyî nêmcet mendê.

	&nbsp;

	Bi talîmatê Wezaretê Karê Zerreyî dir seba şaredariyê Partîya Demokratîkî ya Şaran (HDP) ê Yenîşehîr, Hezro, Hezex û Akpazarê Mezgîrtê Dersîmî qayûm ame tayînkerdene. Qeymeqamê Yenîşehîrê Amedî tayînê şaredarîya Yenîşehîrî ame kerdene. Temsîlkara Hemşaredarê Yenîşehîrî Nevriye Çure, reaksîyon vera qayûman da û da zanayîş ke xizmetê cinîyan û şarî ame astengkerdene.&nbsp;

	&nbsp;

	'Ma nê xespan qebul nêkenê'

	&nbsp;

	Nevrîyeye da zanayîş ke înan serê sibayî çimê xo bi xesp akerdê û reyna verê şaredarî de îşxal û barîyetê polîsan esto û va: “Ma do nê îşxalkerdene qetî qebul nêkenê. No hêrişêko vera hemserekî yo. Nêwazenê ma şarî rê xizmet bikerê. Bi taybet xizmet seba şarî yeno astengkerdene. Wa bizanê ke cayê xebata ma tena awanî nîyê. Ma de her ca de probleman rê bibê çareserî.”

	&nbsp;

	'Do ma biters nêdê vindarneyene'

	&nbsp;

	Nevrîyeye tewr peyîn qiseykerdişê xo de wina va: "Sebebê tewr pîl yê hêrişan zî o yo ke ekonomî ameya nuktaya qedîyayene. Hêrişê vera Rojawanî seba ekonomî wazenê, do bi qayûman butçeyê xo bica bîyarê. Ma şaredarîyê verê yê destê qeyûman de zî zanê. Ma deynê ke pey xo de verday zanenê. Bi eşkera dizdî kerdî. Ma nêtersenê. Ma do qetî peyser game nêerzê, bi taybet zî têkoşînê cinî de ma do qetî peyser game nêerzê."&nbsp;