Qeyûm tayînê 4 şaredarîyanê HDPyî kerdî 

2019-11-13 12:29:56


	 

	MERKEZÊ XEBERAN - Wezîrîya Karê Zerre qeyûm tayînê 4 şaredarîyanê HDPyî kerde. Şaredarîyê ke hetê qeyûman ra ameyî girewtene bî 20.

	 

	Şaredarîyanê Partîya Demokratîke ya Şaran (HDP)  rê tayînkerdişê qeyûman dewam keno. Bi fermanê Wezîrîya Karê Zerre qeyûm tayînê şaredarîyanê HDPyî yê qezaya Yenîşehîr û Hezro yê Amedî, qezaya Hezexî ya Şirnexî û Bajarokê Perî yê pabesteyê qezaya Mazgêrdî ya Dêrsimî ameyî kerdene.

	 

	Hemşaredarê Yenîşehîrî Belgîn Dîken û Mehmet Devîrenî wezîfeyê xo ra ameyî girewtene û Qeymeqamê Qeza Murat Beşikî sey wekîlê serekşaredar ame wezîfedarkerdene.

	 

	Hemşaredarê Hezroye Ahmet Çevîk û Gulîstan Ektîye zî wezîfeyê xo ra ameyî girewtene û herinda înan de û Qeymeqamê Qeza Alî Oner sey wekîlê serekşaredar ame wezîfedarkerdene.

	 

	Hezex de zî xeylê polîsî saetanê serê sibayî de şîyî keyeyê Hemşaredare Songul Erden û tebligatê dûrîvistişî dayî hemşaredare. Hemşaredar Erdene teblîgat îmze nêkerde.

	 

	Heta nika ci ra 3 şaredarîyê bajarê girdî qeyûm tayînê 16 şardarîyanê HDPyî ameyî kerdene. Tewrê tayînkerdişanê qeyûmanê ewro hûmara şaredarîyê ke hetê qeyûman ra ameyî xespkerden bî 20.