
Roniştişê doza rojnameger Kîbrîye Evrene siba yo 

2019-11-11 16:03:03


	&nbsp;

	AMED - Roniştişê doza rojnameger Kîbrîye Evrena ke bi îdîayê ‘Endamîya rêxistine’ û ‘Propagandaya rêxistine kerda’ ra yena muhakemekerdene, siba 5. Mehkemaya Cezaya Giran ya Amedî de do bêro vînayene.

	&nbsp;

	Rojnameger Kîbrîye Evrene 9ê teşrîna verêna serra 2018î de Amed de ameyebî tepiştene û bi îdîayê ‘Endamîya rêxistine’ û ‘Propagandaya rêxistine kerda’ ra yena muhakemekerdene. Siba 8. roniştişê doza rojnameger Kîbrîyeye do 5. Mehkemaya Cezaya Giran ya Amedî de bêro vînayene. Dozger roniştişê 6. de mutaala wend bî. Dozger mutaala de bi îdîayê ‘Endamîya rêxistine’ û ‘Propagandaya rêxistine kerda’ ra waşt ke rojnameger Kîbrîye Evrene heta 20 serrî bêra cezakerdene. Hemverê mutaala de rojnameger Kîbreye zî 18ê temmuze de pawitiş kerdbî û dîyar kerdbî ke her raşteyo ke cinî tede yî, raşteyê rojnamegerî yî û bi serano aye derheqê cinîyan de xeberan virazena. Kîbrîyeye daye zanayene ke aye xebatanê rojnamegerîye vera ameya tepiştene.

	&nbsp;

	Ameyêne pawitene ke mehkema roniştişê 24ê êlule de qerar bida. Labelê dozgerê komarî yê Mêrsîn û Rihaye derheqê tehqîqatanê serra 2012 û 2013î de cewab nêdaybî û cok ra roniştiş ameybî taloqkerdene.

	&nbsp;