'Pakêta hukmî çîyêko newe nêard'

2019-11-11 13:57:12


	 

	Melîke Aydin

	 

	ÎZMÎR - Sereka Sendîkaya Dadgeran Ayşe Sarisu Pehlîvane qerarê hukmî yê dewan de şîrove kerde û va: "Dimayê darbeyî, xeylê dozger girewtî vera kesê ke wezîfera ameyê girewtene. Wexto ke ma bifikrîyê ke perwerdeyî stajî çin o, dadger, dozgerê bê tecrube yewbînan ra cîya qeraran danê. Seba nê zî netîceyê cîya eşkenê vejîyê meydan."

	 

	Sereka Sendîkaya Dadgeran Ayşe Sarisu Pehlîvane rewşa darazî şîrove kerde û da zanayîş ke babeta amadekarîya pakêta reformî de Wezaretê Dade ewnîyayîşê înan nêgirewtê.

	 

	Ayşeye wina va: "Wezaretê sazgeyê girîng dî veng da ci. Sendîkaya ke bixo xebatê darazî de yê, seba xebatan nêame vengdayene. Pakêta reformî bi qasî ke ame pîlkerdene, vurnayîş nêkerd." Ayşeye wina dewam kerde: "Pakêta diyîn û hîrên de qalê sererastkerdişê derheqê nefeqeyî û dadgehê keyeyî yeno kerdene. Destûrê Bingeyîn de metodê ‘têduştîya pozîtîf’ ardê la derheqê nê de qalê sererastkerdişêke nêameyo kerdene. Derheqê KHKyan de muracatê betalbîyayîşê Dadgeha Destûrê Bîngeyîn ame dayene la qerarê betalî ci ra nêame vejîyayîş. Nika KHKyê serekomar kewtî lîteraturê ma. Tîya de hêzêke bê kontrol vejîyeno meydan. No zî xetereyê pîl vejenê meydan. Tîya de rewşêka ke yew rayîr ra beno, vejîyeno meydan."

	 

	Ayşeye eynî wextî de da zanayîş ke Tirkîya de çapemenî bîya hêzê hîrên û va no xetere yo û eynî wextî de na rewşe vera huqûqê dewlete ya û wina va: "No weşê hîn kesan şêro zî dewayê pîl eşkenê netîceyê cîya vejîyê meydan. Seba nê zî ganî na babete de tewr xesas tê bigeyrê. Ganî nêro xovîrakerdene ke dadger û dozger zî seba ke xoser nîyê tersenê. Bi tesîrê nê tersî ra qerarê xo danê."