'Ganî tu doman zindan de pîl nêbo' 

2019-11-08 13:58:58


	 

	MÊRDÎN - Seba 6 serrî û 7 aşmî Hulya Usanmaze amebi birnayîş, Avşîna qije zî ke nêweşîya aye hemanjîom (tumura damar) estbi 11 aşmî bi maya xo dir zindan de mende û rojê vîyarte maya xo dir amî tahliyekerdene. Hulyaye da zanayîş ke xêrcê înan bi seyan domanî pîl benê û va: "Zindan seba domanan cayêke azad nîyo. Seba ameyoxê domanan ganî babeta domanê ke zindanan de yê hesas têbigeyrê."

	 

	Hulya Usanmaze seba 6 serrî û 7 aşmî ceza ci rê ameye birnayene aşma Kanûne de amî tepiştene. Hulya Usanmaze bi kêna xo ya qij Avşîne ke nêweşîya aye ê hemanjîom (tumora damarî) 11 aşmî zindan de mende û biwaştişê veradayîşê bi kontrol zindanê Tîpê T yê Amedî ra amî tahlîyekerdene. Seba dermankerdişê Avşîne nêame kerdene, birînê rîyê aye eşt qirik û çimê aye û dima ra ke ameye tahlîyekerdene, ame zanayene ke sewqê nêweşxaneyê Edenî ameya kerdene.

	 

	'Ma her roje berdêne revîr'

	 

	Hulyaye da zanayîş ke ê destnîşan rojê vîyar te de ameya tahlîyekerdene û wexto ke tehlîye bîyê her roje şîyê nêweşxane û vat: "Birînê rîyê kêna mi eştî qirik û çimanê aye. Amebî sewîyeyêka xeter. Avşîne domanêke nêweş bî. Hem nêweş bî hem zî zindan seba domanan qet baş nêbi. Hetê werdî de zî zaf problemek cuya. Her ca asin û beton bi. Uca seba domanan qet baş nîyo. Avşîne serrêke na rewşe cuya. Ma nêwazenê êdî nê çî bêrê ciwîyayîş."

	 

	'Ganî domanî azad biciwîyê'

	 

	Hulyaye tewr peyîn wina va: "Ez veng dana wezaretê Dade. Rastî zî domanê ke zindan de yê zarokên rewşêka zehmet de ciwîyenê. Ganî mayê înan serbest bêrê veradayîş. Bi rastî yê tewr zêde bi tesîr benê domanî yê. Ganî wezaretê dade bido verê çiman. Domanî zaf probleman ciwîyenê. Seba ameyoxê nê welatî no girîng o. Ganî domanî azad biciwîyê. No heqê merdimayî yo û gerek nêro peygoşkerdene."