Ekolojîst Derya Akyole: Şerê vera xozayî vera merdimayî yo 

2019-11-05 14:18:50


	 

	MÊRDÎN - Awbendo ke yeno viraştene, xêrcê  Heskîfo ke 12 hezar serrî tarîxê ci esto, do dewê çemê Dîcleyî zî binê awe de bimano. Ekolojîst Derya Akyole viraştişê awbendan şîrove kerde û wina va: "No şer vera xoza ameyo kerdene, şerêke vera merdimayî yo. Amancê viraştişê awbendê yê Kurdistanî o yo ke herême bê kurd verdê.”

	 

	Seba Awbendê Ilisu do Heskîfo 12 hezar serre tarîxê ci esto û bi seyan dewê Dîcleyî binê awa de bimanê. Seba nê dewî yenê vengkerdiş. Goreyê dayeyê Mudurîyetê Pêro yê Karê Awa Dewlete (DSÎ) awbend do 199 dewan ra derbaz bibo û do pêroyî 85 dewî binê awe de bimanê. 55 hezar kes do herra xo vindî bikerê. 15 hezar kes zî do koç bikerê.

	 

	Hemwelatî koçê bajar û qezayan kenê

	 

	Dewijê dewanê Çelîka û Miştê dimayê ke keyeyê xo veng kerdî, dewa înan binê awe de mende. Welatijan koçê Kerboran û bajarê pîlan kerd. Dewê Germav, Zengan, Kayapinar, Amara, Liyan zî lîsteyê dewê ke binê awe de bimanê yê. Îbadetxaneyê ke newe ameyê kîfşkerdene zî do binê awe de bimanê.

	 

	'Koçberî do rayîr ver bi travma abikero'

	 

	Endama Komeleyê Ekolojîyê ya Mêrdînî Derya Akyole, da zanayîş ke awbend do dewanê derûdorê çemê Dîcleyî de do texrîbatêke pîl virazno û wina va: "Nê heme do tesîrê serê vurnayîşê komel-kultur û eynî wextî de do bibo sebebê rijnayîşê pîlan seba ke tesîrê psîkolojîk yê ke koçberî awan kenê. Do rayîr ver bi travmayê pîl abikero. Bi çinbîyayîşê dewan do mintiqa de ramitiş zî biqedîyo. No şerê vera xoza yeno kerdene û tewr zêde vera merdimayî yeno kerdene. Ma wazenê şerê xoza ganî peynî bibo."