Suphîyeya ke wesayîtê zirxî da piro: Ez tena edalet wazena 

2019-11-04 13:13:56


	 

	MÊRDÎN - Qezaya Kerboranî yê Mêrdînî de wesayîtê zirxî da cinîya binameyê Suphîye Yakut ro û bi giranî birîndar bîbî. Suphîyeye seba roniştişê xo yê 6ê teşrîna peyêne veng da.

	 

	Kerboranê Mêrdînî de 22ê Nîsana 2018an de wesayîtê zirxî yê polîsan dabi cinîya 50 serrî Suphiye Yakut ro û bi giranî wedarnabî nêweşxane. Bedenê aye de xeylêk şiknayîş amebi meydan û wextêke derg nêweşxane de amîbî dermankerdene. Dimayê hedîse muracatê sucî amebi kerdene û çarçeweya tehqîqatî de dewa ameye akerdene. Dewa de Suphîye vernê de sey muştekî û dima ra zî sey UYAP beşdar bîya, derbazê qeydan bi. Cigêrayîşo ke ame kerdene de vejîya meydan kameraya wesayîtî 10 deqe verê hedîse antişê qeydî vindarnayî û eynî wextî de seba ke ceyran çin bîyo zî kamerayê mobese zî qeyd de bîya. Raporê kesê zane de gumanbar Savaş Goktaş sey ‘bi qusur’ ame vînayene. Roniştişê dewa do 6ê teşrîna peyêne bêro vînayene.

	 

	'Seba qeza ez rayşîyayîş de zehmetî ancena'  

	 

	Suphîyeye verê roniştişê xo yê ke do 6ê teşrîna peyêne de edlîyayê Mêrdînî de bêro vînayene vengdayîşê edaletî kerde û wina va: "Serê hedîse ra serrêke û nîm derbaz bi. Pêro esteyê mi, şiknaye bî. Nika çaqê mi de platîn esto. Ez rayşîyayîş de zehmetîyan ancena. Roja qeza bî zî wesayîto ke da mi ro, hetkarîya mi nêkerd. Wexto ke ez şîya nêweşxane doktoran va, 'esteyê to parçe parçe bîyê’. Ez bi aşman ameya dermankerdene. Ez nêeşkaya şêrî roniştişan zî."

	 

	'Ez edalet wazena'

	 

	Suphîye arde ziwan ke roniştişan de polîsan aye ra vato, ‘biewnî çîyêke to çin o. Ti saxlem a' û qiseykerdişê xo dewam kerde: "Ez nika zî nêeşkena serê lingan de vinderî. Seba ke mi darbe sereyê xo ra girewt, reyan hişê mi şino. Keso wesayît da mi ro, eke sucê çin o, o wext biameyne hetkarî bidayîne mi û bivatêne derbazî bo. Ez edalet wazena."