Hemwelatiyê Omerî: Wazenê ma dewa xo newe ra veng bikerê  

2019-11-03 14:26:56


	 

	MÊRDÎN - Omeryan de menga êlule de pêrodayîş ameybî meydan û dimayê pêrodayîşan serê dewijan de tedayî zêde bî. Pêwa ke serê hedîse ra menge zî derbaz bîya, tehdîd dewam kenî û dewijan dîyar kerdî ke teda înan rê yeno kerdene ke keyeyê xo terk bikerê.

	 

	Herêma Omeryan ê Mêrdînî ke bejahîyê Nisêbîn û Omeriyan mîyanê xo de hewêneno, 7ê êlule de yewîneyê Tevgerê Polîsê Taybet (POH) û Tevgerê Taybet ê Cendermeyan (POH) û qorîcî vejîyabî operasyonê û biHPGyî dir pêrodayîş kerdibî. re ketibûn pevçûnê, Mudirê Şubeyê POHî yê Mêrdînî Tufan Kansuva amebi kiştiş. Dima ra Walîtîyê Mêrdînî dewa Cînata Muho û Cînata Hiso yê Nisêbînî û dewa Haciyan û Yestê yê Omeriyan qedexeyê tebervejîyayîşê kuçeyan îlan kerdî. Ame îdiakerdene ke dimayê qedexeyî fermandariyê cendermeyan Omerî keyayan kom kerdê û tehdîd kerdê. Eynî wextî de ame vatene ke cuya dewijan roj bi roj tewr zehmet beno.

	 

	Dewijan mecbûrî koçberî kenê

	 

	Ame îdia kerdene ke leşker şinê verê berê diyarkerdene û vanê ‘tîya ra şêrê. Ma şima tîya reyke bîn tîya bivînê do her çî bêro sereyê şima'. Goreyê zanayîşan dewa Metîna keyeyêke bi no hewa ameyo tehdîdkerdene û keye dimayê nê dewe ra vejîyayê. Amebi zanayîş ke dewa Metîna de 3 keyeyî seba tehdîdan dewa ra vejîyayê.

	 

	'Seba bêvengî esta nê tehdîdî nêqedênê'

	 

	Hûmara welatîyê keyeyê xo terk kenê roj bi roj zêde beno. Welatîyê ke nêwaşt nameyê xo bido wina va: "Wextê pêrodayîşan de çîyê ke nêameyê sereyê ma nêmend. Çend mengî yo ma seba tehîdan bi ters ciwîyenê. Kesî ne serê erdê xo ne baxçeyê xo çîyêk nêçîna. Dimayê pêrodayîşan, leşkeran dewijan geyrayî û tehdîd kerdî. Ma nêzanê se bikerî. Wazenê ma reyna keyeyê xo veng bikerê. Heyfê operasyonî yeno girewtene."