KCDP: Teşrîna verêne de 36 cinî ameyî qetilkerdene

2019-11-02 15:58:56


	 

	STENBOL- Menga teşrîna verêne de 36 cinîyî  hetê camêrdan ra ameyî qetilkerdene.

	 

	Platformê Ma Do Qetilkerdişê Cinîyan Vindarnê  (KCDP) bi raporêk da zanayene ke menga teşrîna verêne de 36 cinîyî hetê camêrdan ra ameyî qetilkerdene.

	 

	Goreyê raporî mergê 8 cinîyan bişik o. Qetilkerdişê 17 cinîyan nêame tesbîtkerdene. 5 cinîyî bi behaneyê meseleyanê ekonîmîkî ameyî kiştene. 6 cînî zî bi sebebo ke verdayîş waşt û rîyê sebebanê bêmanayan ê cîya-cîyayan ra ameyî kiştene. Qetilkarê cinîyan ra zafî nasê cinîyan ê.

	 

	'Ayşe Tuba têkoşînê cuye dana'

	 

	Berdewamîyê raporî de wina ame vatene: "Nîno zanayene ke qerarê pawitişê yê 33 cinîyê ke ameyî qetilkerdene estbi yan zî çinbi. Seba ke madeyê 6284 bi hawayêke çalak nîno xebitnayene coka xeylê cinî wina cuya xo vindî kenê. Cinîya bi nameyê Ayşe Tuba nêweşxane de têkoşînê cuye dana.