Wan de 14 sîyasetmedarê cinîyî ameyî destbendkerdene

2019-11-01 14:54:04


	 

	WAN - Wan de sereştişê keyeyan de Hemşaredara Sarayî Cazîye Dumane zî tede 14 sîyasetmedarê cinîyî ameyî destbendkerdene.

	 

	Şaristanê Wanî û qezayanê Tûşba, Rêya Armûşe û Artemêtane de polîsan serê sibayî eşt keyeyan ser û 14 sîyasetmedarê cinîyî destbend kerdî.

	 

	Sîyasetmedarê ke ameyî destbendkerdene: Hemşaredara Sarayî Cazîye Dumane, îdarekara HDP'yî ya Wanî Edîbe Babure, namzeta Hemşaredarîya  Payîzava ya weçînayîşê 31ê adare Rojbîne Akdage, namzeta parlamentoyî ya weçînayîşê 24ê hezîrane Mûkaddese Karakoçe, endama Meclîsê Şaredarîya Artemêtane Handane Karakoyune, Hetkara Hemşaredaran a Tûşba Berkene Kizilboga, endamê TJA Haware Derya, Hatîce Akdage, endama Înîsîyatîfê Mayanê Haştîye Pervîne Ozgure, îdarekara DBP'yî ya Wanî Nerîmane Ûrare. 

	 

	Sîyasetmedarê cinîyî ameyî berdene bi Mudirîyetê Asayîşî yê Wanî.