Aktivîstê cinî yê Hewlêrî: Ganî rêzefîlmê tirkî bêrê boykotkerdene 

2019-10-29 14:08:20


	 

	MERKEZÊ XEBERAN - Aktivîstê cinî yê Hewlêrî vengdayîşê boykotkerdene rêzefilmê tirkî kerdî. Eynî wextî de dîyar kerdî ke rêzefilmê Tirkî bi kulturê Kurdan dir pîya nêgîno û giringî seba rêzefilmê Kurdî bêro dayene.

	 

	Başûrê Kurdistanî her ke şino waştişê boykotkerdene keyeyê tirkî zêde beno. Xêrcê malê tirkî waştişê boykotkerdene rêzefilmê tirkî zî yeno kerdene. Aktivîstê cinî yê Hewlêrî serê babeta boykotkedene û rêzefilmê Tirkî Rojnews rê qisey kerde.

	 

	'Çîyê ke zîyan bido, ganî bêro boykotkerdene'

	 

	Helîme Reşîde wina vat:": Rêzefilmê xerîb ke nika beşêke qenalê televîzyonî yê Kurdî yenê ramojnayîş, labelê tewr zêde xo yê Tirkî yê. Nê rêzefilmê tesîrêke negatîf serê komel û keyeyî keno. Bi taybet zî serê komelê ma ke wayîrê kulturêke girîng o. Rêzefilmê Tirkî tewr zêde xo serê şîdet, tûj û hêrişkerdişê serê azadîya kesan o. Seba nê gerek bêro boykotkerdene.

	 

	'Girîng o yo ke zî seba rêzefîlmê Kurdî bêro dayene'

	 

	Tanya Ekreme zî wina va: "Labelê rêzefilmê tirkî yê ke nika yenê weşênayîş, seba komelê ma baş nîyo. Tesîrêke negatîf û xirap serê merdimî de keno. Seba nê gerek qenalê ke nê rêzefilman weşan kenê, reyke bîn sîyasetê xo verê çiman ra derbaz bikerê. Ganî bi taybet Wezaretê Roşinvîrê nê het ra wezîfeyê xo bîyaro ca. Labelê heta nika tesîrêke înan nêvirazîyayo. O girîng o yo ke seba rêzefilmê Kurdî bêro dayene.