Kiştoxê Kemal Kûrkûtî reyna nêame tepiştene 

2019-10-24 14:45:39


	 

	AMED - Dewaya versûcê polîso ke kiştişê Kemal Kûrkûtî de Yakup Ş. yeno muhakemekerdene de raporê Heyetê Pêroyî yê ATKî dadgehe rê nêame eşrawitiş û waştişê tepiştişê ey zî ame redkerdene. Dayîka Kemalî ke roniştiş de krîzê sînîr derbaz kerde Secan Kurkute serê polîsê versûc de qîriya û vat "kiştox".  

	 

	Polîs Yakûp Ş. serra 2017 de Amed de wextê şayîya Newroze de wendekarê zanîngehî Kemal Kûrkût qetil kerdibi. Yakûp Ş. sucdarîya 'kiştişê bi zanayîşî' ra bi hewayêkê nêtepişteyî yeno hukmkerdene.

	 

	Roniştişo 7'in ê dewa Mehkemeya Cezaya Girane ya  7'ine ya Amedî de ame dîyene. Roniştişê dewa de polîso kiştox Yakûp Ş. û avûkatê ci, dadîya Kûrkûtî Secan û birayê ci Ferhat Kûrkût û avûkatê înan amade bîyî. Adlîye û korîdorê roniştişê dewa hetê polîsan ra ameyî dormegirewtene. Avûkatê keyeyê Kûrkûtî Mehmet Emîn Aktarî pare kerd ke goreyê doneyan û dosyayan ganî polîso verguman bêro tepiştene. Labelê heyetê mehkeme waştişê seba tepiştişê polîsî red kerd.