Eren Keskîne serbest ameye veradeyene  

2019-10-23 15:41:41


	 

	STENBOL- Hemsereka Pêroyî ya ÎHDyî Eren Keskîna ke vizêr şewe polîsan eştbî keyeyê aye ser, şîye Edlîyeya Anadolu û îfade daye. Erene badê îfadedayîşî ameye veradayene.

	 

	Polîsan vizêr şewe eştbî keyeyê Hemsereka Pêroyî ya Komeleya Heqê Merdiman (ÎHD) Eren Keskîne ser. Wextê eştişê serê keyeyî de Erene keye de nêbîye. Polîsan dayîka Erene ra persê aye kerdî û cigêrayîş kerdî. Hedîse ra dima Erene şîye Edlîyeya Anadolu ya qezaya Kartalî ya Stenbolî û îfade daye.

	Merkezê Pêroyî yê ÎHDyî derheqê babete de serê hesabê xo yê medyaya komelkî de eşkerayîyêke da û wina va: “Çarçeweya cigêrayîşêko derheqê parekerdişê medyaya komelkî de Serdozgerîya Komarî ya Anadoluye ‘Propagandaya rêxistine’ ra îfadeya Hemsereka ma ya Pêroyî Eren Keskîne girewta. Tu talebêko tedbîrî nêameyo kerdene. Heme kesê ke paştî dayî rê spas.”