Keyeyê ke konteyniran de yê: Ma nêwazenê na serre de zî konteyniran de biciwîyê 

2019-10-23 13:47:01


	 

	Zeynep Durgut

	 

	WAN - Her çiqas 9 serrî serê erdlerzê Wanî ra derbaz bî zî hema keyeyê ke konteyniran de manenê estê. Keyeyê serra 2011ine de heta nika konteyniran de ciwîyenê dîyar kerdî ke ê nêwazenê zimistanêke bîn konteyniran de derbaz bikerê.

	 

	Serra 2011ine de menga 23yê teşrîna verêne de qezaya Wanî yê Erdîşî û merkezê bi hêzê 7.2 erdlerz ame meydan. Erdlerz de bi hezaran kesî cuya xo vindî kerdî û bi hezaran keyeyî zî erdlerz ra tesîr bî û rijyabî. Serrgera 9in ê erdlerzî de serra 2011in de heta nika konteynirê ke qezaya Artemetî yê vera nêweşxaneyê Dewlete ya cigêrayîş û Perwerdeyî yê Wanî 5 keyeyî hîna konteyniran de ciwîyenê. Keyeyê ke şertê zehmetan de ciwîyenê dîyar kerdî ke hetkarîya dewlete înan rê çin o.

	 

	'Ma nêwazenê na serre zî konteyniran de bimanê'

	 

	Keyeyê ke konteyniran de manenê cinîya binameyê Hîzret Duran wina va; ”Ma qetî erdlerzê serra 2011ine xo vîr ra nêkenê. Cayê ke ma şêrê çin o, ma qey merdim nîyê? Hetkarîya dewlete ma rê çin o. Merdim tena rojêke na rewşe ra nêeşkeno îdare bikero. La ma 9 serrî wina ciwîyenê. Ez bawer nêkena ke ma nê zimistanî bieşkê tîya biciwîyê. Dipuşk kewtê zerre ma her wext bitersê înan kewenê ra. Ma nêeşkê şan de rakewê. Mewsîmê zimistanî de ceyran û awa ma yena birnayene. Ma nêwazenê ke zimistanêke bîn konteyniran de derbaz bikerê."

	 

	'Waştişê ma keyeyêke germ o'

	 

	Cinîya binameyê Dilşad Demîrhane zî wina va: "Seba boya nêbaş nêweşî mi ra peyda bîyê. Ez reyke ameya emelîyatkerdene. Seba ke ma binê şert û mercê tewr zehmet de ciwîyenê mimkun nîyo ma hewaya pak bigirê. Rewşa ma ya ekonomî zaf xirabo. Sarincêke ma zî çin o. Waştişê ma tena o yo ke keyeyêke ma yê germ bibo.“