'Festîvala Zeytunan' ê Dêrikî ame qedexekerdene

2019-10-22 15:18:21


	 

	MÊRDÎN - Qeymeqamîyê Derikî “Festîvala Zeytunan” ê Şaredarîya Dêrikî bisebebê operasyonê Vakur û Rojhelatê Sûrîye qedexe kerd.

	 

	Şaredarîya Dêrikî ya HDPyî waşt mabêne 25-27ê teşrîna verêne de bisloganê “Dara zeytune dara aştîye ya” û “Ma derûdorê dara aştîye yenê têhet” Dêrikî de "Festîvala Zeytunan” organîze bikerê. Qeymeqamîyê Dêrikî bi sebebê operasyonê verba Vakur û Rojhelatê Sûrîye festîvalan qedexe kerd.

	  

	Hemşaredara Dêrikî Mulkîye Esmez têkilîyê babete de qisey kerd û da zanayîş ke heta nika qeymeqamî xebatê înan asteng kerdo û va: “Walî seba qedexekerdene çalakîyê ma qanûnan ra vejeno. Nê qanûnî festîvala Şaredarîya Midyadî asteng nêkeno şahîyê akerdişê ma asteng kerd. Festîvala ma asteng kenê. Nê astengî vera ma nê vera şarê ma kenê. Xizmetê seba şarê ma asteng kenê. Berpirsîyarîyê ma yê seba şarê ma esto. Şarê Dêrikî seba xizmetê xo ma weçîna. Ma astengîyê dayîşê xizmetê seba şarê xo qebûl nêkenê. Ma wazenê ê ganî fek nê ra vera bidê."