Dewleta tirkî hêrişê dewa Girê Spî û Eyn Îsayî kenê 

2019-10-21 14:25:16


	 

	 

	 

	MERKEZÊ XEBERAN - Pêwa mesajê adirbestî, artêşa dewleta tirkî û komê girêdayê aye hêrişê dewa rojawanî bajarê Girê Spî û vakurê Eyn Îsayî kenê. 

	 

	Pêwa caardişê QSDyî yê adirbestî, artêşa dewleta tirk û komê girêdayê aye îhlalkerdişê pêameyîşê adirbestî de dewam ê. Na babete de muxabirê ANHAyî herême ra neql kerd ke artêşa dewleta tirk û komê girêdayê aye nê saetan de hêrişê dewa Xirbet Bekir û Kor Hesen yê rojawanê bajarê Girê Spî kenê. Eynî wextî de ame neqlkerdene ke sîvîlê ûca ra zanayîş nîno girewtene.

	 

	Eynî wextî de komê girêdayê dewleta tirkî dewa vakurê qezaya Eyn Îsa bomba û topvaran kenê.

	 

	Hemverê nê hêrişan, QSDyî pawitişê rewa kenê û cewabê hêrişê artêşa dewleta tirkî û komê girêdayê aye danê. Nika nê her di herêman de şer rî dano.