
'30 birîndar ameyî vetiş la hema zî nêweşxane de birîndar mendê' 

2019-10-20 13:05:43


	HESEKÊ - Heyva Sor a Kurdî ke verê xo dabî Serêkaniyê, 30 birîndar vetî, la hema zî birîndarî Nêweşxaneyê Rojî de mendê.

	Hêrişê dewleta tirkî yê vera rojawan de dewam kenî. netîceyê qirkerdişî de heta nika zêdeyê 235 sivîlî ameyî qetilekrdene û zêdeyê 677 sivîlî zî birîndar bîyî. Cayo ke tewr zêde tede şehîd û birîndarî estî ra yew zî qezaya Serêkanîyê yo. Seba ke dormeyê qeza hetê hêzê dagirkeran ra ameyo girewtene, komê weşî nêeşkenî dekewî qeza û birîndaran bixelisnî.

	&nbsp;

	'Dewleta tirkî sivîlan kişenê'

	&nbsp;

	Derheqê babete de hemsereka Heyva Sor a Kurdî Cemîle Hemê qisey kerde û dîyar kerde ke bi desan kesê ke cuya xo vindî kerdî û birîndarê sivîlî Nêweşxaneyê Serêkanîyê û keyeyan de asê de mandî. Cemîleye arde ziwan ke înan eşkayî tena 30 birîndar û 4 kesê ke cuya xo vindî kerdî nêweşxane ra bivejnî û va: “Ma Serêkanîyê de zîyaretê xeylê cayan kerde. Dîyar bî ke dewleta tirkî ya dagirkere bi zanaye sivîlan hedef girewta. Ma veng danê rêxistinanê merdimîye ke wezîfeyê xo biyarî ca korîdarê merdimayî bêro akerdene."

	&nbsp;