Hepsîya nêweşe Mevlûde Başdaşe nîna emelîyatkerdene 

2019-10-18 14:13:06


	 

	ÎZMÎR - Hepsîya nêweşa rîşa merdimwere û rapora aye ya sera 86 astengdar Mevlude Başdaşe, ganî emeliyat biba la seba emelîyatî nêverdenê, îmzayê lazim bêro eştene.

	 

	Maya Aştîye Mevlude Başdaşa 62 serrî hepisxaneyê Cinîyan ê Şakranî de hepsîya û nêweşa rîşa merdimwere ya. Emeliyatê Mevlude pêwa ke raporê aye sera 86 astengdar a, seba sebebê burokrasî yenê taloqkerdene. Lajê Mevludeye, Mesut Başdaşe dîyar kerde ke seba îmzeyêke bi rojan hem doktorê Nêweşxaneyê Katîp Çelebî hem zî dozgerê hepisxaneyê bi rojan înan meşgul kerdê û seba nê zî rîskê vilabîyayîşê nêweşîya maya ey zêde bîya. Mesutî ard ziwan ke gerek aye hepisxane de nêbîyayîne, înan zindan de terkê mergî kerdî.

	 

	'Roj bi roj nêweşî vila bena'

	 

	Derheqê Mevludeye de 4 serrî û 2 mengî ceza amebi birnayîş û verê zî seba Mevlûdeye neqlê gurçikan amebi kerdene. Eynî wextî de nêweşîya aye gurçik, qelb, şekir û tansiyonî zî esta. Çimêke aye zî nêvîneno û bi 6 mengeyî yo zî gonî virêjîyenê. Bigumanê bi nêweşîya werem kewta, demêke aye kerdê hucreyê yew kesî û seba nê nêeşkayne biewno xo ra, îhtîmalê ke nêweşîya aye vila bîyo esto. Pêwa ke Mevlûdeye mengêke nêweşxane de ya, hîna emelîyat nêbîya û roj bi roj nêweşîya aye giran bena. 

	 

	'Pêwa qanûnan nêamî tahlîyekerdene'

	 

	Metînî ke seba maya xo ya ke Kurdî qisey kena açernayîş zî keno, dîyar kerde ke wexto ke şîyo pêvînayîş, seba emelîyatê îmza lazim bîyo la pê nêdayê eştiş û va: "Seba îmza bêro eştene, ma seba pêvînayîşî dayê vindernayîş. Keyeyê ma Amed de yo û Mevlûde tîya terkê çinbîyayîş ameya kerdene. Ma seba tahliye serê Serdozgeriya Komara ya Îzmîrî, wezaretê dade û sazgehê înfazê ceza dayî la pêro muracat kerdê bênetîce mendê.