'Şima zî verba şerî vatişê xo yê peyîn vajê'  

2019-10-16 14:11:22


	 

	 

	WAN - 2yîn Festîvala Tîyatroyê Wanî ke 10ê Teşrîna Verêne amebi dîyarkerdiş ke 20ê Teşrîna verêne de peynî bibayîne labelê seba hêrişê serê Rojawanî tewr rew ame peynîkerdene. Perînaz Delazya ke roja 6ine festîvale de qisey kerde û va: "Şima zî vera şerî vatişê xo yê peyîn vajê."

	 

	2yîn Festîvala Tîyatroyî ke hetê Tîyatroyê Mencelî yê Wanî ra 10ê teşrîna verêne bi sloganê, "Ti zî vatişê xo yê peyîn vaje" amebi destpêkerdiş û amebi dîyarkerdiş ke do 20 teşrîna verêne de bêro peynîkerdiş. Seba hêrişê dewleta tirkî yê serê Rojawanî roja 6in de ame peynîkerdiş. Çarçeweya festîvala de hetê koma Teatra Nupelda ra kayê binameyê "Di cinî di kaykerdox" ame pêşkêşkerdene. Kay hetê temaşekerdoxan ra bicoşêke pîl ame pêşkêşkerdiş.

	 

	Koma Tîyatroyî ra Mencelê Perînaz Delazye wina va: "Ma 2yîn festîvalê xo yê bisloganê 'Serê sehneyê heqîqetî ti zî replîkê (vatişê) xo vaje' bi ca ard. Seke şima zî zanê serê Rojawan de hêriş esto û cinî û domanî mîyan de kesê sivîl yenê qetilkerdene. Herçiqas mabêne ma û Rojawan de sînorêke bêwate bibo zî ma kurdî yew ê. Wexto ke hêrişê Rojawan kenê zerrîya kurdê vakur, Rojhelat û Başûr dejeno. Ma kaykerdoxê kurd vera nê hêrişan ê û şermezar kenê. Ma nêwazenê merdimî bimirê. Seba hêrişê serê Rojawanî festîvala ma ke heta 20ê teşrîna verêne dewam bikerdêne ma peynî kerd." Perînaza ke va, "Şima zî vera şer replîkê xo vajê" veng da pêro kesî ke vera şerî sere wedarnê.