Yewin roniştişê dewaya Gultan û Sebahate siba yo 

2019-10-15 11:53:42


	 

	MELETÎ - 18in Daîreyê Cezaya ya Dadgeha Edliyeyê Herêmî ya Dîlokî, cezaya hemşaredara bajarê gird ya Amedî ya verê Gultan Kişanak û hemsereka pêroyî ya DBPî Sebahat Tuncele ameybî birnayîş, xira kerdibî û dima ra roniştişê yewin ê dewa siba 5ine dadgeha Cezaya Giran ya Meletî de bêro vînayîş.

	 

	5in Dadgeha Cezaya Giran ya Meletî derheqê hemşaredara bajarê gird ya Amedî ê verê Gultan Kişanak û hemserekê pêroyî yê DBPî Sebahat Tuncele de bi îdiaya ‘endamîya rêxistine’ û ‘propaganda rêxistinakerdiş' de ceza dabî û menga Temuze de Dadgeha Îstînafî ceza xira kerdib. Gultane zî sucê endamîya rêxistine 11 serrî û 3 mengî propaganda rêxistine ra 3 serrî ceza amebî dayîş. Sebahate zî endamîyê rêxistine 9 serrî û 9 mengî propangada rêxistine 5 serrî û 3 mengî ceza amebi birnayîş.

	 

	Dimayê qerarê dadgehe avûkatan qerar berdibî Dadgeha Îstînafî. 18in Dadgeha Edliye ya Herêmî ya Dîlokî dosya ser o cigêrayîş kerd û cezaya înan xira kerdib. Eynî wextî de dadgehe tahliyeyê Sebahat û Gultane zî red kerdib û qerarê dewamkerdişê tepişnayîşî dabi. Yewin roniştişê dewa 16ê teşrîna verêne de do 5in Dadgeha Cezaya Giran ya Meletî de bêro vînayîş.

	 

	Seba beşdarbîyayîşê roniştişî vengdayîş

	 

	Meclîsa Cinîyan ê HDP û Tevgerê Cinîyan ê Azad (TJA) seba roniştişî Sebahat Tuncel û Gultan Kişanake vengdayîşê beşdarbîyayîşî kerdî û wina vatî: "Ma veng danê pêro cinîyan ke bi hewayêke xurt pîya beşdarê roniştişî bibê û vengêke xurt vejê.