Ablûqakerdişê HDPyî bi sloganan ame protestokerdene

2019-10-14 13:49:16


	 

	AMED - HDPyijan waştî ke vera hêrişanê vakur û rojhelatê Sûrîye de verê awanîya bajar yê rêxistina HDPyî de eşkerayî bidî çapeêemî. Lebelê polîsan destûr nêdayî ke HDPyî vejîyî teber.

	 

	Rêxistina Partîya Demokratîke ya Şaran (HDP) ya Amedî waşte ke vera hêrişanê dewleta tirkî yê vakur û rojahelatê Sûrîye de verê berê awanîya partîye de eşkerayî bidî çapemenîye. Eşkerayî do saet 11.30î de biaeyêne dayene. Polîsan verê eşkerayîya çapemenî vernîya partî girewtî binê ablûqa û destûr nêdayî ke kesêk bivejîyo teber. Polîsan qerarê walîtî sey bahane nîşan dayî û destûr nêdayî ke partî ra kesêk bivejîyo teber.

	 

	Bi sloganê “Biciwîyo xoverdayîşê Rojawan”, “xoverdayoxê Rojawanî rê hezar silam”, “Rojawan do faşizmê rê bibo goristan" ablûqa ame protestokerdene. Partiyijî hetê polîsan ra yenê derbkerdene û partiyîjî zî vera hêrişan bi eştişê kartol û pîyanz xo pawitî.

	 

	Parlementerê HDPyî yê Amedî Dersim Dag, Musa Farisogulları û Salîha Aydenize û hemserekê partî serê derenceyanê partî de çalakîya roniştişî xo pê ardî. Kîtleyo zerre zî şibakanê awanîye ra îşaretê serkewtişî kerdî.

	 

	Dimayê ke parlamenteran polîsan dir pêvînayîş kerd, polîsan xo peyser ant û welatîyan zî bi eştişê sloganan vila bî. Bale ame antiş ke kesê ke vila bî rîyê înan de sûrbîyayîş û masnayîş estbî û ame zanayene ke polîsan gazê îsotî rîyê çalakgeran rê eşto.