
Pero Dundar: No îşxalkerdiş û şer verba kurdan ameyo îlankerdene  

2019-10-13 14:04:29


	&nbsp;

	MÊRDÎN - Parlamentera HDPyî ya Mêrdînî Pero Dundare, bale ante serê roja destpêkerdişê hêrişê yê serê Vakur û Rojhelatê Sûrîye û va; "No hêriş dewamê komplo yo. No îşxalkerdiş û şer vera kurdan ameyo îlankerdene."

	&nbsp;

	Parlamentera Partîya Demokratîkî ya Şaran (HDP) Pero Dundar derheqê Operasyonê Tirkîya vera Vakur û Rohelatê Sûrîye ke 9ê Teşrîna Verêne de da destpêkerdiş de qisey kerde û va; "No hêriş vera kurdan ameyo kerdene. No îşxalkerdiş û şer verba kurdan ameyo îlankerdene."

	&nbsp;

	'Hêrişê dewlete yê serê Nisêbînî dewam kenê'

	&nbsp;

	Pero arde vîr ke 9ê teşrîna verêne Komployê Mîyanneteweyî ke vera kurdan ameyo destpêkerdene û va nê hêrişê zî dewamê nê komployî yê. Pero bale ante serê hêrişê ke 4 rojî yo serê hîn qezayanê sînorî de dewam kenê û wina va: "Her di hetê sînorî de zî xeylê kesê sivîl seba hêrişan cuya xo vindî kerdî. Ma hûmara kesê hetê Rojawan cuya xo vindî kerdî nêzanê. Hêrişê dewlete serê Nisêbîn de dewam kenê û asayîşê cuya tu kesî çin o."

	&nbsp;