Kurd û dostê kurdan temamê dinya de serê lingan de yê 

2019-10-13 13:44:38


	 

	MERKEZÊ XEBERAN - Fransa, Elmanya, Norweç, Ewusturya, Hollanda, Swîsre, Îtalya, Danîmarka, Yewnanistan û Swêd de kurd û dostê kurdan vejîyayê wareyan û operasyonê leşkerî yê Vakur û Rojhelatê Sûrîye şermezar kerdî.

	 

	Operasyonê leşkerî yê vera Vakur û Rojhelatê Sûriye roja 5ine de dewam keno. Operasyon de nêweşxane, wendegeh û ambulans ameyî bombardumankerdiş. Eynî wextî de xeylê sivîl zî seba hêrişan birîndar bî û cuya xo vindî kerdî. Vera hêrişan xeylê cayê kurd û dostê kurdan herîkyayî wareyan û reaksîyonê xo biçalakîyan ardî ziwan.

	 

	Bajarê Fransa, Elmanya, Norweç, Ewusturya, Hollanda, Swîsre, Îtalya, Danîmarka, Yewnanistan û Swêd de kurd û dostê kurdan vejîyayê wareyan û operasyonê leşkerî şermezar kerdî. Çalakîyan de dayî zanayîş ke şorişê Rojawanê şorişê şaran o û vera nê hêriş yenê kerdene.