
Cinîyê Suryanijî: Artêşa tirkî cayê tarîxî hedef gêna 

2019-10-12 12:15:51


	&nbsp;

	Medya Silêman

	&nbsp;

	QAMIŞLO - Artêşa tirkî roja 9ê Teşrîna verêne de dest bi hêrîşê serê vakur û Rojhelatê Sûriyeye kerde. Hêrişan de hem sivîl, hem zî îbadetxaneyê pîroz yêne hedefkerdene. Cinîyê Suryan dîyar kerdî ke artêşa tirkî cayê tarîxî hedef gêna û wina vatî: "Bi serran o ma pêro kerdene Kurd, Ereb, Suryan û ûsn. bi zerrî ra pîya ciwîyenê. Dewleta tirkî nê çîyan vînena coka hêrişê şaran kena."

	&nbsp;

	'Dewleta tirkî seba îradeyê şarî bişikino, hêrişê cayê tarîxî kena'

	&nbsp;

	Cinîya binameyê Sûad Melko hêrîşê dewleta tirkî şermezar kerde û wina va: "Nê hêrişê ke yenê kerdene, hêrişê newe yê. Tarîxê dewleta tirkî de her wext qirkerdişê şaran estbi. Înan ra yew zî nimûneyê Efrînî yo. Semedo ke Efrînêke bîn tîya reyna nêbo, ma veng pêgirewtişê şaran kenê. Ez hêrişê serê Dêrê Merya Eledra şermezar kena. Dewleta tirkî semedê îradeyê şarî bişikno, destpêk de hêrişê cayê tarîxî kena. Ma do pawitişê herre û cayê xo yê tarîxî bikerê û fek wareyê xo ra vera nêdê."

	&nbsp;

	'Ma pêro pîya yewbînan dir bizerrî ra ciwîyenê'

	&nbsp;

	Eynî wextî de cinîya binameyê Semîra Denho zî hêrişên Tirkîya şermezar kerde û wina va: "Bi serran o ma pêro pîya Kurd, Ereb, Suryan û ûsn. Bizerrî ra têhet ciwîyenê. Dewleta tirkî nê vînena seba nê hêrişê şarî kena. Seba ke destpêk de cayê tarîxî amanc gêna. Çi beno wa bibo fek cayê xo yê pîroz vera nêdanê, ma do her wext herra xo bimanê." &nbsp; &nbsp; &nbsp; &nbsp; &nbsp; &nbsp;

	&nbsp;