Camêrdo ke îstîsmaro zayendî kerd kar ra ame dûrvistene

2019-10-05 12:18:00


	 

	MÊRDÎN - Mêrdîn de vejîya meydan ke camêrdo binameyê Y.K yo wendegehêke de mamostayê edebîyatî bîyo vera wendekarêke îstîsmaro zayendî yê sîstematîk kerdo û ame dimayê hedîse muhakeme de biwaştişê ceza îdianame ameyo amadekerdiş û Y.K kar ra ameyo eştiş.

	 

	Hedîseyê îstîsmarî Mêrdîn de wendegehê Lîseya Okay Yaşar ê Anadolu ame cuyene. Mamosteyê aye Y.K wendekar bihawayêke sîstematîk îstîsmar kerd. Dimayê sûc vejîya meydan zî mamoste wezîfe ra ame dûrvistine û bi sûcdariyê ‘Vera domane tacîzê zayendî' îdianame ame amadekerdene û hetê 2yîn Dadgeha Cezaya Asliye yê Mêrdînî ra ame qebulkerdene.

	 

	Wendekara xo biaşman îstîsmar kerd

	 

	Îdianame ke ame amadekerdiş de ame zanayene ke mamosteyê kewtêne dersa edebîyatî de wendekara xo îstîsmar kerdo û eynî wextî de îdianame de îfadeyê şahidan zî hedîse tesdîq kerd. Îdîaneme de ame vatiş ke bimesajê serê telefon de zî domane îstîsmar kerdo.

	 

	Kar ra ame dûrvistene

	 

	Dimayê îfadeyê şahidan derheqê Y.K de cigêrayîş ame destpêkerdiş û gumanbar zî sûcdarkerdene red kerd. Dadgeha ke îfadeyê şahidan û delîl verê çiman girewtî, îdianame ke amebi amedekerdiş qebul kerd.

	 

	Y.K dimayê tehqîqatê derheqê ey de ame akerdene de kar ra ame dûrvistene.