
Şaredarîya Yenîşehîrî merkezê cuye ya cinîyan awan kena 

2019-10-04 12:58:11


	&nbsp;

	Şehrîban Aslan

	&nbsp;

	AMED - Şaredarîya Yenîşehîrî bi welatîyê taxan dir yena têhet û bitaybet serê waştişê cinîyan xebatan meşnena. Hemşaredara Yenîşehîrî Belgîn Laçîn Dîkene, da zanayîş ke cinîyan merkezê cinîyan waştê û serê nê waştişî de dest bixebatan kerdê.

	&nbsp;

	Şaredarîya Yenîşehîrî ya Amedî taxe bi taxe geyrena û bi cinîyê ciwanan dir yena têhet, waştişê înan goşdarî kena. Hemşaredar Belgîn Laçîn Dîkene, rojê vîyarte de Şehîdlîk de taxa Hevselî de bicinîyan dir ameye têhet û serê waştişê cinîyan hetê qayûmî ra kerdê ‘Keyeyê Şînî yê Îyaz Bîn Ganem' bikerê merkezê cuya cinîyan.

	&nbsp;

	'Qayûm waştişan nêano ca'

	&nbsp;

	Belgîne da zanayîş ke qayûman sazgehê cinîyan, komele û xebatê cinîyan werte ra wedarinayî û eynî wextî de qayûman awanîyê aîdê şaredarî zî seba cayê cîya 15-20 serran dayê kîra. Belgîne wina va: "Ma weçînayîşan de şaredarî newe ra qezenc kerd. Ma şarî dir ameyî têhet. Ma waştişê înan goşdarî kerd. Bitaybet ma bicinîyan dir ameyî têhet. Ma dest bixebatê seba cinî û ciwanan kerd."

	&nbsp;

	'Ma serê waştişan de xebatan meşnenê'

	&nbsp;

	Belgîne da zanayîş ke rojê vîyarte de taxa Hevselî de cinîyan dir ameyê têhet û wina qedêna: "Ma do vera keyeyê şînî merkezê cuye awan bikerê. Seba domanan ma do kreş viraznê. Her taxêke waştişê înan cîya yo. Ma fikrê înan gênê û xebatan kenê."

	&nbsp;