Wan de roja 43ine: Şarê Kurd do serkewte bibo

2019-09-30 15:58:28


	 

	WAN - Parlamenterê HDP'yî Musa Farisogûllariyî tewrê Nobeta Demokrasîyî ya Wanî ya ke verba destsernayîşanê şaredarîyan yena viraştene bi û ard ziwan ke do serkewtiş yê şarî bo.

	 

	Nobeta Demokrasîyî ya ke dimayê tayînkerdişê qeyûman ê şaredarîyanê HDP'yî yê Amed, Wan û Mêrdînî ameye destpêkerdene roja 43'îne dewam kena. Çalakîya ke ver bînaya HDP'yî ya Şaredarîya Qezaya Rayîrê Armuşî ya Wanî de dewam kerde de parlamaneterê HDP'yî Murat Sarisaç, Mûsa Farisogûllari, hemşaredarê qezaye, aktîvîstê Têgêrayîşê Cinîyan ê Azadan (TJA), endamê Meclîsê Mayê Haştîye û xeylî hemwelatijî tewrê ci bîyî.

	 

	Çalakîye de pankarta "Îdareyê qeyûmî ney, îdareyê şarî" ameye akerdene û bi slogana "Wa biciwîyo xoverdayîşê Wanî" ameye vatene. Parlamenterê HDP'yî yê Amedî Mûsa Farisogûllariyî çalakîya ewroyîne de qisey kerd û wina va: "Na bloka faşîste nêeşkena îradeyê şarê Kurdî parçe bika. AKP-MHP kam yew roja ke îradeyê şarê Kurdî bivejo ver şerêkê verba îradeyê înan danê destpêkerdene. Verba destkewtişanê Rojawanê Kurdistanî amadekarîya pîle ya şerî kenê. La ganî bizanê ke no têkoşînê şarê Kurdî do ser bikewo. Derbeya qeyûmî bi tecrîdê verba Rayberê Şarê Kurdî Abdullah Ocalanî rê pabeste ya. Rayîrê peysererşawitişê qeyûman şiktişê tecrîdê Îmralî ravîyareno.

	 

	Çalakîye ewro pê deyîra hunermend o ercaye Aram Tîgranî ya "Ay Dilberê" qedîyaye.