
Cinîya ke nêwaşte verê berê HDPyî de ronişa ameye tepiştene 

2019-09-27 16:34:50


	&nbsp;

	AMED - Cinîya bi nameyê Ayla Seyîtoglûya ke nêweşîya rîşa merdimwere aye de esta, saetanê serê sibayî de netîceyê sereştişê keyeyî de hetê leşker û cendirmeyan ra ameye tepiştene û aye ra waştî ke tewrê çalakîya verê berê awanîya HDPyî biba. Aylaya ke no ferzkerdişî qebûl nêkerde ameye tepiştene. Ame zanayene ke Aylaye tedawîya kemoterapî vînena.

	&nbsp;

	Leşkeran saetanê serê sibayî de eştî dewa Serde ya qezaya Hênê ya Amedî keyeyê cinîya bi nameyê Ayla Seyîtoglûya 50 serrî ke nêweşîya rîşa merdimwere aye de esta ser. Leşkeran eştî keye ser û Aylaye ra vatî ‘Domanê to koye de yo. Şo verê awanîya HDPyî ya Amedî û ewja de ruşe.’ Labelê Aylaye seba e ferzkerdişê înan qebûl nêkerde ameye tepiştene. Sebebê tepiştişê Aylaye nêameye zanayene. Eynî wext de nîno zanayene ke leşkeran Aylaye berdî kamî ca. Ame zanayene ke Aylaye de nêweşîya rîşa merdimwere esta û tedawîya kemoterapî vînena.

	&nbsp;

	Amed de di kesî ameyî tepiştene

	&nbsp;

	Sewbîna het de polîsan reyna saetanê serê sibayî de eştî keyeyê rayîrberê Partîya Demokratîke ya Şaran (HDP) yê Amedî Şexmûs Şenyîgîtî ser hemwelatijê bi nameyê Yilmazî ke peynameyê ci nêame zanayene tepiştî. Polîsî cigêrayîşê keye de heme eşyayaê keye serûbin kerdî û Şexmûs û Yilmazî tepiştî. Sebebê tepiştişê wirdî kesan zî nêame zanayene û îna berdî Mudirîya Polîsan ya Bajarî.&nbsp;

	&nbsp;