Wan de Nobeta Demokrasîyî kewt roja xo ya 39an 

2019-09-26 16:16:30


	 

	WAN - Nobeta Demokrasîyî yê vera tayinkerdişê qayûman ê Wanî kewt roja xo ya 39an. Nobeta Demokrasîyî ewro zî bi tilîlî û bi çepikan dewam kerd. 

	 

	Parlamenterê HDP'yî Mûrat Sarisaç, Mensûr Işik, Berdan Ozturk, Nûran Îmîre, Hemşaredarê Şaristanê Pîlî yê Wanî yê ke herinda înan de qeyûm ame tayînkerdene, Bedîa Ozgokçe û Mustafa Avci, Hemserekê merkezî, Aktîvîstê Têgêrayîşê Cinîyan ê Azadan (TJA), Endamê Meclîsê Mayanê Haştîye û xeylî kesî tewrê Nobeta Demokrasîyî ya verê Bînaya HDP'yî ya qezaya Îpekyolu bîyî.

	 

	Kome çalakîye de pankarta bi nuşteyê "Îradeyê qeyûmî ney, îradeyê şarî" kirişte. Parlamenterê HDP'yî yê Agirî û Hemserekê KCD'yî Berdan Ozturkî  yo ke çalakîye de qisey kerd va: "Tirkîya nika mabênê kaosêko sîyasî û ekonomîk de ya û AKP bi xo wayîrê nê kaosî vejeno. Kaos û krîz seba ma hêzanê demokrasîyî zî firsendî anê. Eke ma bieşkê nê firsendî bixebitnê, ê do çin bibê."

	 

	Dimayê qiseykerdişan, hemwelatijan dest pê nobeta roniştişî kerde û bi slogananê "Hemserekîye xeta ma ya mor a", "Ma do sere wedarê û ser bikewê", "Cinî, Cuye, Azadîye" qirayî. Çalakîya roniştişî bi deyîr, tilîlî û çepikan qedîyaye.