Mehkemeya Berze cezaya sîyasetmedaranê Kurdan tesdîq kerde 

2019-09-26 16:04:37


	 

	AMED - Mehkemeya Berze ya Tirkî parlamanenterê HDPyî Leyla Guvene û Mûsa Farisogullari zî tede, cezaya 59 sîyasetmedaran tesdîq kerde. Eke qerar bikewe rojdemê Heyetê Pêroyî yê Meclîsî do parlamenterîya Leylaye û Mûsa betal biba.

	 

	Çarçeweya operasyonê qirkerdişê sîyasîyî  yê bi îdîaya "Meclîsê Tirkîya/KCK" 14'ê Nisana 2009 de mahkemeya herême 154 sîyasetmedaranê Kurda rê ceza birnabî. Mehkemeya îstînafe zî hukmê mehkeme yê herême tesdîq kerdibi. Verba qerarê Mehkemeya Îstînafe 134 kesan îtîraz kerd. Mehkemeya Berze zî derheqê îtîrazê înan de qerarê xo eşkera kerd.

	 

	Do parlamanterîya Mûsa û Leylaye betal biba

	 

	Mehkemeya Berze cezaya 9 serran a bi îdîaya "endamîya rêxistine" ya Parlamenterê Partîya Demokratîke ya Şaran (HDP) yê Amedî Mûsa Farisogullari û cezaya 6 serran û 3 mengan a cezaya Hemsereka KCDyî û Parlamentera HDPyî Leyla Guven tesdîq kerde. Mahkemeya Berze qerar da ke çarçeweya madeya 34/2ya Qanûnê Bingeyênî de heqê wedartişê destnêdayîş ê parlamenteran, qerarê zî Meclîsî rê bierşawe. Eke qerar bikewe rojdemê Heyetê Pêroyî yê Meclîsî do parlamenterîya Leylaye û Mûsa betal biba.

	 

	Mehkemeya Berze qerarê tepiştişî yê derhaqê parlamenteranê HDPyî Tayîp Temel û Pero Dundarî amebi girewtene xera kerd. Mehkemeya Berze  cezaya zindanî ya 21 serran a bi îddîaya "îdarekarîya rêxistine" Hemserekê Pêroyî yê BDPyî Kamûran Yuksek, Bayram Altun, Huseyîn Yilmaz û Ramazan Markocî rê amebi birnayene zî tesdîq kerde.

	Mehkemeya Berze cezaya 9 serran ê bi dîdîaya "endamîya rêxistine" parlamenterê verên Hatîp Dîcle, Şaredarê verên yê Peyasî Zulkuf Karatekîn, Şaredarê verên ê Erxenî Nadîr Bîngol, Şaredarê verên ê Baglarî Yuksel Baran, Şaredara verêne ya Nisêbînî Sara Aktaşe, îdarekaranê BDPyî Abbas Çelîk, Ahmet Erden, Cîbrahîl Kûrt, Nîhayet Taşdemîr, Pinar Işike, Elîf Kaya, Perguzar Kaygisize, Zahîde Besî, Adîl Erkek, Mahmût Okkan, Bûrhan Karakoç rê amebî birnayene tesdîq kerd.

	 

	Cezaya şaredaranê verînan ameye qebûlkerdene

	 

	Mehkemeya Berze cezaya 6 serra û 3 mengan a  bi îddîaya "endamîya rêxistine" Şaredarê verên ê Pîranî Abdullah Akengîn, Şaredarê verên ê Şirnexî Ahmet Ertak, Şaredarê verên ê Cizîrî Aydin Bûdak, Şaredarê verên ê Wêranşarî Emrûllah Cîn, Şaredarê verên ê Pirsûsî Ethem Şahîn, Şaredarê verên ê Yenîşehîrî Firat Anli, Şaredara verêne ya Sixkî Gulcîhan Şîmşeke, Şaredarê verên ê Êlihî Huseyîn Kalkan, Şaredara verêne ya Baglarê Yûrdûsev Ozsokmenlere, Şaredarê verên ê Sêrtê Selîm Sadak, Şaredarê verên ê Dêrsimî Erol Abdîl, Şaredarê verên ê Licê Şeyhmûs Bayhan, Şaredara verêne ya Şemrexî Nûran Atli Soylerê amebî birnayene tesdîq kerde.

	 

	Bi heman sûcdarîye cazaya 6 serran û 5 mengan parlamentero verên ê HDP’yî Demîr Çelîkî, Sereko verên ê Komeleya Heqanê Merdiman ê Amedî Mûharrem Erbey, Ahmet Îlan, Ahmet Zîrek, Celal Yoldaş, Engîn Kotay, Esma Gulere, Fîkret Kaya, Hasan Firat Uner, Hasan Huseyîn Ebem, Hasan Îraz, Kerem Dûrûk, Mehmet Tarî, Mûstafa Dogrûl, Ramazan Debe, Ramazan Odemîş, Tûncay Okî zî ameye tesdîqkerdene. Mehkemeya Berze  cezaya  5 serran a endama Meclîsî ya Şaredarîya Balarî Zubeyde Zumrute û cezaya 5 serran a Mehmet Nîmet Sevîm rê amebî birnayene tesdîq kerde.

	 

	Ser selahîyetdaro taybet Serekê Mahkemeya Cezaya Girane ya 6ine ya Amedî Menderes Yilmaz û dozgerî wexto ke dewa ameye akerdene, bi endamîya cematî dewa înan rê ameyebî akerdene. Derheqê Menderes û dozgeran de dewa dewam kena, Menderes û dozgerê o wextî sedema ke bi Ferttullah Gulenî têkildar ê û têkilîyê înan estê wezîfe ra ameyî girewtene.