
Kesê ke Stenbolî de ameybî tepiştene serbest ameyî veradayene 

2019-09-26 15:18:52


	&nbsp;

	STENBOL - Her 6 kesê ke vizêr çalakîya ‘Nobeta Demokrasîye’ de ameybî tepiştene serbest ameyî veradayene.

	&nbsp;

	Vizêr vera tayînkerdişê qeyûman yê şaredarîyanê 3 bajaranê girdan yê Amed, Mêrdîn û Wanî, Raşteyê Bajarî yê Komarî yê qezaya Esenyurtî yê Stenbolî de çalakîya ‘Nobeta Demokrasîye’ pê ame. Polîsan mudaxaleyê çalakîye kerdî û kesan tepiştî.

	&nbsp;

	Kesê ke ameybî tepiştene berdbî Mudirîya Polîsan ya Qeza û badê ke îfade ame dayene her 6 kesê ke ameybî tepiştene serbest ameyî veradayene.&nbsp;