Beno ke zimistanê emserrî yê Ewropa sey serdîya Sîbîrya bo

2019-09-25 14:40:32


	 

	MERKEZÊ XEBERAN - Goreyê cigêrayîşê ke hetê Servîsê Meteorolojî yê Brîtanya (Met Office) ra ame kerdene, zimistanê 2019 û 2020î goreyê serranê ke derbaz bîyî hîna zêde serd bibo.

	 

	Goreyê cigêrayîşî, vayê sey 'Cinawirê Rojhelat' ke par tesîrê xo Îngilistan, Skoçya û xeylê welatan kerd, beno ke ewserr zî bi tesîr bibo. No va serdîya Sîbîrya resneno Ewropa û nîno zanayene ke do emserr zî kamî peymeyî de bi tesîr bibo.

	 

	Goreyê cigêrayîşê Met Office her çiqas ke nameyê 'Cinawirê Rojhelat' sey numune bêro xebetnayene zî beno ke şmê çile û sibate sey serdîya Sîbîrya bo. Seba vayê 'Cinawirê Rojhelat' ke bi tesîrbî, tay komeleyanê medyaye de sey 'Parîs-Moskova' zî ameyêne vatene.

	Per serdî vera xeylê projeyê binesazkerdişî bi hawayo demkî ameyîbî vindetene. 

	 

	Cigêrayîşê Met Office de ame vatene ke seba tespîtkerdişê do serdî destpêka serra 2020î de kamî peyme de ba, lazimî bi demî esta.